இந்தியாவில் சாதிகள் - டாக்டர் அம்பேத்கர் | Indiavil Sathigal - Dr. B R Ambedkar

நூல் : இந்தியாவில் சாதிகள் 

ஆசிரியர் : டாக்டர் அம்பேத்கர்

சாதி அமைப்பை பற்றிய முறையான அடிப்படை தெரிந்து கொள்வதற்கு நான் முன் வைக்கும் புத்தகம் அம்பேத்கரின் புத்தகம். ஏனெனில் அவர் அளவிற்கு சாதியை பற்றிய புரிதலுடன்  பாமர பகுத்தறிவற்ற மக்களை அதிலிருந்து மீட்க களத்தில் இறங்கி செயல்பட்டவர்.

எனக்கு சாதியை பற்றிய துளியளவு அறிவு கூட இல்லை ...இப்ப இருக்கானு கேட்டீங்கனா அதை பத்தி கொஞ்சமாச்சும் என்னால சொல்ல முடியும் .நாம எதுக்கு சாதிய அமைப்ப தெரிஞ்சுக்கனும்னா இப்ப இருக்குற தலைமுறையில சாதி வைச்சுகிட்டா வேலை எல்லாம் நடக்குதுனு கேட்டீங்கனா ஆமா தான் சொல்லனும். நாம வேணும்னா சாதிலாம் இல்லைனு சும்ம வேணா சொல்லலாம். சாதிங்கிறது  நம்மள சுத்தி மட்டும் அது இயங்குறது இல்ல நம்ம செய்யுற வேலையோட சேர்ந்ததுனு எனக்கு இப்பதான் தெரிஞ்சது .

என்னைக்காவது யோசிச்சு இருக்கிங்களா குப்பை அள்ளுறவங்க , சாக்கடைய சுத்தம் செய்றவங்க, இது மாதிரி மற்ற வேலை செய்யுற எல்லோரும்  ஏன்  திரும்ப திரும்ப அவங்களே பரம்பரையா அதே வேலைய செய்றாங்க?.என்னைய யோசிக்க வைச்சது இந்த புத்தகம்.இவையெல்லாம் எங்கிருந்து அடிப்படை துவங்குச்சுனு கொஞ்சம் ஆழமா இறங்கி ( இல்ல மேலோட்டமா பார்த்தலே தெரியும் ) பார்த்த சதுர்வர்ணம் என்ற அமைப்பு தொன்றுதொட்டு இயங்கிக்கொண்டு வருகிறது.

சதுர்வர்ணம் என்பது ஒன்றுமில்லை உங்க அப்பா தாத்தா அவங்களோட தாத்தா என்ன வேலைய பரம்பரையாக வேலை செய்ச்சாங்களோ அதே வேலையதான் நீயும் செய்ய வேண்டும் என்று நிர்பந்தியிக்கப்படும். சதுர்வர்ணம் ( சதுர் - நான்கு , வர்ணம் - குழுக்கள் அல்லது இனங்கள் ) என்ற அமைப்பு நான்கு குழுக்களை அடிப்படையாக கொண்டது

1.பிராமணர்கள்-கடவுள்களுக்கு அருகாமையில் உள்ளவர்கள்

2.சத்திரியர்கள்- படை வீரர்கள்

3.வைசியர்கள் - வணிகர்கள்

4.சூத்திரர்கள் - கைவினை கலைஞர்கள் அல்லது இதர வேலை செய்பவர்கள் 

எனக்கு ரொம்ப வருசமாவே ஒரு டவுட் இருந்துச்சு பொதுவா காதல்னா ஏன் எல்லோரும் எதிர்கிறாங்கனு.ஒவ்வொருத்தவரும் ஒவ்வொரு கருத்து சொல்றாங்க உதாரணத்துக்கு அவன் நல்ல படிக்கள கை நெறைய சம்பளம் வாங்கள சொந்தமா வீடு வாசல் இல்ல இப்படினு அடிக்கிட்டே போறாங்க ஆனா இது எதுவுவோ அவங்க கட்டி வைக்கறாங்களே அந்த மாப்பிள்ளை கிட்டயும் இல்ல பின்ன எதனால கட்டி வைக்கிறாங்கனு பார்த்த ஒரே ஒரு காரணம் தான் சாதி.

சரி ஓகே மேல சொன்னது எல்லாம் காதலிக்கிற பையன்கிட்ட இருந்தா கூட இவங்க அதுக்கும் சம்மதிக்கமாட்றாங்க

அதுக்கும் ஒரு நொட்டை சொல்றாங்க. இந்த பெண் கொடுத்து பெண் எடுக்கிறது வழக்கம் தான் இனத்தை வளக்குதுனு டாக்டர் அம்பேத்கர் அவர்கள்  தெளிவாக விளக்கிறுப்பார்கள்.

அதே மாதிரி இது தமிழ்நாட்டுல மட்டும் இருக்குறது இல்ல இந்தியா முழுவதும் உள்ள ஒன்று .நம்ம நாட்டுல இருக்குற சாதிய அமைப்பு முறையை மேலை நாட்டு அறிஞர்கள் எவ்வாறு கருதுகின்றனர் என்ற கருத்தையும் இந்நூல் விளக்குகிறது.

அதோடு மட்டுமில்லாமல் அம்பேத்கர் அவர்கள் எழுதிய கடிதங்கள் மற்றும் கட்டுரைகள் உள்ளன.

படிங்க தெருச்சுகங்க....